Google ADS

Zbulohen 100 kilogram kanabis në Shkodër, arrestohen disa persona

14:01 | 12 Tetor 2022
A. B.

Disa persona kanë rënë në pranga dhe 100 kilogram lëndë narkotike e llojit kanabis janë sekuestruar në një shtëpi bari në zonën e Bardhajve të Shkodrës.

Një operacion i mirë organizuar nga sektori i narkotikëve në Drejtorinë e Policisë Shkodër është finalizuar në fshatin Bardhaj Njësia Administrative Rrethina ku mësohet se janë shoqëruar disa persona.

Sipas të dhënave paraprake policia ka zbuluar një banesë në zonën e Bardhajve të Shkodrës në të cilën kultivohej lëndë narkotike nëpërmjet llambave elektrike.

E gjithë lëndë narkotike ishte në procesin e mbledhjes dhe disa prej tyre ishin në tharje, banesa ku kultivohej lënda narkotike u zbulua nga shpenzimi i energjisë elektrike të cilët trafikantet e vidhnin.

Nga të dhënat e deritanishme janë sekuestruar rreth 100 kg lëndë narkotike kanabis sativa.

Banesa ishte përshtatur me të gjithë kushtet dhe mjetet e duhura për kultivimin e kanabisit.

Shpërndaje në rrjete sociale

Lajmet më të lexuara

Të ngjashme

Foto lajm